Partneriaethau
Mae meithrin partneriaethau agos, llawn ymddiriedaeth yn hanfodol i ddatblygiad hirdymor SSi.
Mae meithrin partneriaethau agos, llawn ymddiriedaeth yn hanfodol i ddatblygiad hirdymor SSi .
Yn ogystal â chyrff a gefnogir gan y llywodraeth yng Nghymru, rydym yn meithrin perthynas waith agos ag endidau masnachol, sefydliadau gweithwyr a rhwydweithiau entrepreneuraidd i archwilio myrdd o gyfleoedd ledled y byd.
Mae’r rhain yn cynnwys:
- Datblygu adnoddau Cymraeg pwrpasol ar gyfer aelodau Unite
- Hyrwyddiad dros yr haf ar gyfer ymwelwyr On The Beach i ddysgu Sbaeneg
- Cydweithio â sefydliad Cymry alltud, Global Welsh, i hyrwyddo Cymru
- Gweithio gyda nifer o sefydliadau lleol yn Sri Lanka i ystyried agweddau ar addysg Tamil a Sinhalaidd
On The Beach
Mae On The Beach yn gwmni gwyliau ‘pecyn’ mawr Prydeinig, a’r gyrchfan wyliau fwyaf poblogaidd sydd ganddynt yw Sbaen.
Yn 2022 , bu SaySomethingin yn rhan o fenter gydag On The Beach, lle gallai eu hymwelwyr a oedd yn mynd i Sbaen gael mynediad i’n dosbarthiadau Sbaeneg i roi mwy o hyder iddynt ar eu gwyliau. Roedd y fenter hon mor boblogaidd fel ein bod yn gwneud yr un fath ar gyfer tymor gwyliau 2023.
Triongl
Mae Triongl yn un o gwmnïau cynhyrchu ffilm a theledu mwyaf cyffrous Cymru.
Cred SaySomethingin fod gan gynhyrchu ffilm rôl bwysig o fewn datblygiad y Gymraeg ac o ganlyniad rydym yn gweithio i greu ‘ TriSSI ‘, hyfforddwr llais digidol i gefnogi cast a chriw sy’n gweithio ar gynyrchiadau dwyieithog, gyda ffocws penodol ar gynnwys cefn wrth gefn.
Ymddiriedolaeth Tea Leaf
Ers 2022, mae SSi wedi bod yn cynnal peilot mewn lleoliadau trefol a gwledig yn Sri Lanka i ddatblygu cyrsiau yn Saesneg i bobl sy’n siarad Tamil a Saesneg ar gyfer pobl sy’n siarad Sinhaleg.
Mewn partneriaeth â’r Tea Leaf Trust , rydym wedi cyflwyno’r fenter AnyoneCanTeach [ACT]. Mae’r cynllun yn rhoi’r cyfle i bobl leol gynhyrchu incwm, trwy ddod yn athrawon ieithoedd llafar, gan ddefnyddio methodoleg SSI .
Prifysgol Bangor
Bangor yw ein tref enedigol ac mae Prifysgol y ddinas yn fyd-enwog.
Mae rhai o’n staff wedi astudio yno , ac rydym yn gobeithio gweithio gyda’u cynllun interniaeth.
Rydym wastad yn chwilio am y gweithwyr lleol gorau ac mae’r cynllun interniaeth yn ffordd o ddod i gyswllt gyda phobl wirioneddol dalentog.
Global Welsh
Ble bynnag yr ewch chi yn y byd mae Bar Gwyddelig neu grwpiau sydd â chysylltiadau Albanaidd cryf. Mae’r tri Arlywydd Americanaidd diweddaraf wedi arddel eu cysylltiadau Celtaidd gyda’r ddwy wlad hon.
Nid yw Cymru fel petai mor flaengar yn gwerthu ei hun – ac mae Global Welsh yn ceisio gwella’r sefyllfa hon trwy wneud cysylltiadau rhwng Cymry ar wasgar ac adeiladu cymuned fyd-eang. Mae SSi yn cefnogi nod Global Welsh i hybu materion Cymreig ac rydym yn aelod gweithgar o’u rhaglen Connect.
Trade & Invest Wales
Ar ddechrau 2023 roedd SaySomething yn rhan o daith Masnach a Buddsoddi Cymru i Iwerddon.
Ein cenhadaeth yw helpu pob iaith frodorol ac iaith sydd mewn perygl, felly roedd cael ystyried posibiliadau yn ymwneud â’r Wyddeleg gydag amrywiaeth eang o sefydliadau iaith yn Nulyn a Galway o gymorth mawr wrth inni gynllunio ar gyfer fersiwn Wyddeleg o SSi.
S4C
Mae SSi wedi helpu enwogion i ddysgu Cymraeg ar gyfer eu hymddangosiad ar y sioe deledu Iaith ar Daith. Bu Ruth Jones a Carol Vorderman , Rakie Ayola a Chris Coleman, Katie Owen a Mike Bubbins oll yn defnyddio methodoleg SSi. Bu hyn o gymorth i bawb i fagu hyder yn yr iaith, a gallu ei siarad yn hyderus ar deledu cenedlaethol.
Canolfan Genedlaethol
Mae SSI wedi datblygu partneriaeth agos gyda’r Ganolfan Dysgu Cymraeg Genedlaethol er mwyn creu nifer o fentrau iaith Gymraeg pwysig:
-
- Modiwl iOS, Android ac ar y we ar gyfer Ceiswyr Lloches / Ffoaduriaid sy’n siarad Arabeg, Pashto a Dari i ddysgu Cymraeg yn uniongyrchol o’u mamiaith
- Cynllun peilot ar gyfer chwech o ddisgyblion 16 i 18 oed, mynychwyr coleg a phrentisiaid i wella eu gallu i siarad Cymraeg yn y gweithle trwy ddefnyddio eu ffonau, gliniaduron neu dabledi
- Cynllun ar gyfer plant Blwyddyn 7 mewn 11 ysgol cyfrwng Saesneg, i gynyddu eu hyder yn y Gymraeg ar eu cyflymder eu hunain ac ar eu dyfeisiau eu hunain
- Cymorth dysgu digidol parhaus i gynlluniau a ddefnyddir mewn dosbarthiadau oedolion
